Kung ako'y tumumba

KUNG AKO'Y TUMUMBA

kung ako'y tumumba

sa tama ng bala

ang hiling ko sana

ako'y mabuhay pa

sana'y maabot ko

pa'y edad na gusto:

ang pitumpu't pito

o walumpu't walo

kayrami pang tula

kwento at pabula

ang nais makatha

para sa dalita

kayrami pang dagli

at kwentong maikli

ang akda kong mithi

kahit puso'y sawi

- gregoriovbituinjr.

09.03.2025

* litratong kuha ng makatang gala sa EDSA cor. Quezon Avenue, QC